Tiro dhaawacyo ah oo wax ku noqday weeraradii xalay ka dhacay Magaalada Muqdisho ayaa ayaa la gaarsiiyay Isbitaalada Caafimaadka.
Madaxa Caafimaad Isbitaalka Madiina Drs Duniyo Max’ed oo la hadashay Idaacadda Shabelle ayaa sheegtay in 33 qof oo dhaawacyo kala duwan la keenay Isbitaalkaasi kuwaas oo qaar ka mid ah ay dhinteen, 6 ka mid ahaana dhaawacooda uu ahaa mid fudud guryahooda loo celiyay halka 22 kalana ay Iminka Jiifaan Isbitaalka.
Isbitaalka Daaru Shifaa ayaa isna la gaarsiiyay illaa 22 qof kuwaas oo iyana qaarkood xaaladooda oo wanaagsan aawgeed guryahoda ay ku noqdeen.
Mid ka mid ah dadka dhaawacyada kala kulmay weerarka oo Shabelle ay kula kulantay Isbitaalka Daaru Shifaa ayaa sheegay in gaari uu la socday xilliga wax dhacayeen ayna indhihiisu qabanayeen tiro dad ah oo ku dhintay weerarka iyo dhaawacyo kale intaba.
Inta badan dadkii wax ku noqday weeraradii Xalay ayaa la sheegay in ahaayeen dad rayid ah.
Dhageyso:
Leave a Reply