Banaan-bax loogu soo horjeedo dadkii shalay lagu laayay deegaanka Bariire ee Gobolka Shabeelaha Hoose ayaa haatan ka socda duleedka magaaladda muqdisho.
Banaan-baxaan ayaa ka socda degaanka Ceelasha biyaha ee duleedka Muqdisho, iyadoo ay ka qeyb galayaan boqolaal dad ah oo ka careysan dadka lagu laayay degaanka Bariire oo meydkooda la keenay shalay magaalada Muqdisho.
Sidoo kale dadka bannaabaxa dhigaya ayaa xiray wadadda isku xirta magaalada Muqdisho iyo Afgooye, iyadoo joojiyay isu socodka gaadiidka, waxaana la sheegay inay xaaladda aysan daganeen.
Ciidamada Dowladda Soomaliya oo taageera ka helaya kuwa Mareykanka ayaa shalay deegaanka Bariire ee Gobolka Shabeelle Hoose waxa ay ku dileen 10-ruux oo beereley aheyd.
Sidoo kale Dowladda Federaalka Soomaliya ayaa warar isqilaasan kasoo saartay weerarkii ka dhacay deegaanka Bariire ee Gobolka Shabeelaha Hoose.
Leave a Reply