Amaanka Guud ahaan Magaalada Jowhar ee Xarunta Hirshabeelle sidoo kalane ah Xarunta gobalka Shabeelaha dhexe ayaa aad loo adkeeyay waxaana la geeyay Ciidamo dheeraad ah Kontaroolada laga soo galo iyo kuwa Magaalada looga baxo sida ay xaqiijiyeen laamaha amaanka.
Ciidamada AMISOM ayaa ku sugan Hoolka doorashada iyo Nawaaxigiisa kuwaas oo la sheegay in ay mas’uul ka yihiim Amaanka doorashada waxaana shalay halkaasi laga wareejiyay dhamaan Ciidankii Soomaalida ee ku sugnaa Hoolka doorashada,
Dhinaca Kale waxaa aad looga Cabsi qabaa in ay dib u dhacdo doorashada Madaxweynaha Hirshabeelle kadib markii la sheegay in aysan ilaa hadda iska diiwaan gilin Xarunta gudiga doorashada Murashaxiinta Boorarka magaalada ku dhegsaday.
Xiiso badan ma leh doorashada Hirshabeelle ee sanadkaan markii loo eego tii ka horeysay ee lagu doortay Madaxweyne Cali C/llaahi Cosoble oo ay Baarlamaanka xilka ka qaadeen.
Murashaxiinta qaar ayaa muujinaya Kalsooni dara ah in aysan lacag gilin karin Hirshabeelle, waxa ayna ka cabsi qabaan in aysan guuleysan doonin Sababtoo ah Murashaxiinta qaar ayaa la sheegay in ay dabada ka riixayaan dad Saameyn ku dhex leh Siyaasadda Hirshabeelle iyo Xubno ka tirsan Dowladda dhexe
Leave a Reply