Guddoomiye ku xigeenka Maxkamadda Sare iyo xubno kale oo ka tirsan Garsoorka ayaa beeniyay go’aanka Guddoomiyaha, kadib hadal ay siiyeen warbaahinta.
C/qaadir Maxamuud Cilmi Guddoomiye ku xigeenka Maxkamadda Sare ayaa sheegay go’aankii Guddoomiyaha Maxkamadda Sare Yaxye uu baal maray nidaamka garsoorka, islamarkaana uusan qeyb ka aheyn warka ka soo baxay.
Go’aamada is diidan ee ka soo kala baxaya xubno ka tirsan Maxkamadda Sare ee maamulka Galmudug ayaa sii hurinaya khilaafka siyaasadeed ee maamulka Galmudug.
“Halkan waxaan ka cadeynayaa Guddoomiyaha warkaas laga sheegayo inaan waxba ka ogeyn, sal iyo raadna uusan laheyn, been abuurna yahay, aanan is arak, xilka Guddoomiyaha horey ayuu uga tagay Yaxye.” Ayuu yiri Guddoomiye ku xigeenka Maxkamadda Sare
Leave a Reply