Afar Qof oo ku sumoobay Raashiin ay ku cuneen Tuulla Hoostagta Buulla burdi

Wararka naga Soo gaaraya Tuulla Hoostagta magaalada Buulla burdi ee gobalka hiiraan ayaa sheegaya in afar qof ay ku sumoobeen raashiin ay cuneen.

Dadka degan Tuulla galdubadle ee Hoostagta Buulla Burdi ayaa sheegay in dadka ay isticmaaleen Bur,kadibna ay sidaasi ku sumoobeen.

Inta la xaqiijiyay gabar shan sano jir ah ayaa u geeryootay ,4 kalana waa ay la il daranyihiin Raashiinkan ay  cuneen kadibna ay ku sumoobeen.

Dadkan ayaa waxaa loo qaaday isbitaalka ku yaala Magaalada bulla Burdi ee Gobalka Hiiraan oo haatan lala Tacaalayo Xaaladooda Caafimaad,sida ay xaqiijiyeen Dadka Deegaanka.

Maamulka Degmada Buulla Burdi iyo Midka Gobalka Hiiraan ayaanu weli ka hadlin dadkan ku sumoobay raashiin ay cuneen.

Horey qeybo ka mid ah gobalka Hiiraan ayaa waxaa ka  dhacay dhacdooyin noocan oo kale oo la xiriira in dad badan ay ku sumoobeen raashiin ay cuneen