Ciidanka la dagaalanka Argaggixisada ayaa Gacanta kusoo dhigay laba qof oo la sheegay inay yihiin muwadiniin Tanzanian ah kuwaasi oo ay booliska tilmaamen inay wadeen isku day ay ugu soo safrayaan Soomaaliya si ay Al-shabaab ugu soo biiraan.
Taliyaha booliska degaanka Isiolo Charles Ontita ayaa sheegay in Ajaanibtaan ay kasoo qabteen iyagoo ku socday wadada dheer u dhaxeysa degaanada Moyale iyo Garba Tula.
Charles Ontita ayaa shaaca ka qaaday in ciidamadoodi halkaasi ay ka wadeen howlgal ay ku baarayeen basaska ka yimaada Nairobi ee Moyale sii aada ayna dadkaan ka heleen iyagoo aanan wadin wax warqado dal ku galis ah.
Labadani qof ayaa lagu kala magacaba Omar Mwalimu Kasambe oo lagu naaneeso Juma Abbas Zuberi (28) iyo Ali Juma Kaondo (17).
booliska ayaa labadaani qof ku haya su’aal weydiin waxa ay ku saabsan sida ay ula xiriireen Al-shabaab
Leave a Reply