Ciidamada Dowladda Federaalka Soomalaiya ayaa saakay waxa ay dhaq dhaqaaq Ciidan ka wadaan degaanka Basra oo shalay gelinkii gelinkii dambe ay kula dagaalameen Dagaalyahano ka tirsan Uurka Al-Shabaab.
Dagaalkan ayaa wuxuu yimid kadib markii Dagaalyahano ka tirsan ururka Al-shabaab ay weerar saf balaaran ku soo qaadeen fariisin Ciidanka Dowladda ay ku leeyihiin degaanka Basra, halkaasi oo uu ku dhexmaray dagaal aad u qaraar.
Ciidamada Dowladda oo aad u hubeysan, watana Gaadiidka dagaalka ayaa waxaa lagu arkayaa wadooyinka waa weyn ee soo gala degaanka Basra, iyo meelo gaar ah oo ay u maleynayaan in ay soo mareen Shabaabkii weerarka soo qaaday.
Degaanka Basra ayaa ka mid ah degaano Ciidamada Dowladda Soomaaliya ay Todobaadkan kala wareegeen ururka Al-shabaab, oo ku yaalla Shabeellooyinka, kuwaasi oo ay ka mid yihiin Buulo-Kuuto, Daniga Baalow iyo Degaanka Jabaluul
Leave a Reply