Soomaali sharciga lagala noqday

Dadkan oo isugu jira Haween, Rag iyo Caruur ayaa sharciga lagala noqday, inkastoo ay jiraan dadka qaar oo sanado Kumeel gaar ah la siiyay.

Xildhibaan Baashe Maxamed Muuse ayaa sheegay in hada ay xiran yihiin in ka badan 10 qof, oo sameeyay fal ah markii sharciga lagala noqday in ay magangelyo weydiisteen wadamo kale, kadibna loo soo diiday oo Norway dib loogu soo celiyay, sidaasina lagu xiray.

Dadkan ku xiran dalka Norway ayaa la qorsheynayaa in dhowaan lagu soo celiyo gudaha dalkooda hooyo ee Soomaaliya, waxaana xabsiga hada ay ku xiran yihiin uu yahay mid aanay ku habooneyn in lagu xiro dadka gaar ahaan caruurta.

Ururada Soomaalida, Ururada u dhaqdhaqaada arrimaha bani’aadanimada, iyo warbaahinta Soomaalida ee Norway ayaa falkan cambaareeyay, waxayna sheegeen muhiim in ay tahay dadkan in loola dhaqmo si wanaagsan.