Ciidamada Nabad Sugidda Soomaaliya ayaa xalay Howlgal xoog leh ka sameeyay xaafado ka mid ah degmada Hodan ee gobalka Banaadir, waxaana lagu soo qab qabtay boqolaal dhalinyaro ah.
Howlgalkaan ayaa laga sameeyay 4ta waax ee degmada Hodan, waxaana dadka lagu qabtay ay gaarayaan ku dhawaad 450 qof oo ah dhamaantood rag dhalinyaro ah, oo ku noolaa xaafadaasi.
Howlgalka ayaa dhacay xiliga dambe ee xalay waxaana dadka intooda badan loogu galay guryahooda, waxaana la isugu keenay Barxad weyn oo ku taala degmada.
Inta badan dadka la qabtay ayaa la sii daayay isla xalay, waxaana jira dad kale oo ay Ciidamad amaaanka usoo ka xeeyeen Xarumahooda kuwaas oo la sheegay in baaritaano lagu sameyn doono.
Leave a Reply