Wasiir dawlaha cusub ee Madaxtooyadda Soomaaliya oo si rasmi ah Xilka ula wareegay

Wasiir dawlaha Madaxtooyada Soomaaliya Mudane C/qaadir Sheekh Cali Baqdaadi oo dhowaan loo magacabay Xilkaasi, ayaa maanta si rasmi ah xilka kala wareegay Wasiir dowlahii hore ee Madaxtooyada Mudane C/qaadir Macalin Nuur.

Munaasabadda xil wareejinta ayaa waxaa ka qeyb galay Ra’iisul Wasaare ku-xiggeenka Xukuumadda Federaalka Soomaaliya Mudane Mahadi Maxamed Guuleed, Agaasimaha Madaxtooyadda Soomaaliya Marwo Aamino Saciid Cali iyo masuuliyiin kale.
Ra’iisul Wasaare ku-xiggeenka Xukuumadda federaalka Soomaaliya ayaa aad uga mahad celiyey Wasiir dowlahii hore ee Madaxtooyada Mudane C/qaadir Macalin nuur mudadii uu kasoo shaqeeyey Madaxtooyada iyo shaqadii uu soo qabtay dalka.