Ciidamada xoogga Dalka Soomaaliyeed ayaa howlgal ay ka sameeyeen degaanka Owdiinle ee Gobolka Baay waxa ay ku dileen Saddex xubnood oo ka tirsanaa Malleeshiyada Al-Shabaab, halka mid kalena ay nolosha ku qabteen.
Howlgalkan oo dhacay Saacadihii lasoo dhaafay ayaa yimid, markii ay Ciidanka xoogga Dalka oo kaashanaya Shacabka ay ka war heleen goob ay Jid gooyo dhigteen Argagixisadu, halkaas oo ay ku dhibaateynayeen Dadka rayidka ah.
Kooxihii Argagixisada ahaa ayaa halkaasi ka firxaday, iyadoo ay Ciidanka xoogguna ku raadjoogaan baxsadka haraadiga Al-Shabaab, sida uu xaqiijiay Guddoomiyaha degaanka Owdiinle.
Muddooyinkii ugu danbeeyay ayaa Ciidanka xoogga Dalka Soomaaliya waxay sii Laba jibbaareen howlgallada ka dhanka ah Argagixisada nabad iyo nolol diidka ah ee Al-Shabaab, iyadoo la gaarsiiyay khasaaro aad u badan.
Leave a Reply