Inta la xaqiijiyay hal Ruux ayaa geeriyooday,labo kalana wey ku dhaawacmeen kadib markii Nin hubeysnaa uu Rasaas ku furay dad ka qeyb galayay Xaflad Aroos oo ka socotay Deegaanka Lulubsho oo katirsan Gobolka Mudug.
Goob jogayaal ka mid ah Dadka deegaanka, ayaa sheegay in labada Ruux ee dhaawacantay loo qaaday isbitaalka ku yaalla Magaalada gaalkacyo ee xarunta Gobolka Mudug,si xaaladooda Caafimaad loola tacaalo.
Sababta ka dambesay in Ninka hubeysan uu rasaas ku furo dadka ka qeyb galayay Munaasabada arooska ayaan la ogeyn,waxaana la tilmaamay in ninkii falka ka dambeeyay uu goobta ka baxsaday.
Deegaanka Lulubsho ayaa waxaa uu ka mid yahay deegaannada hoostaga degmada hobyo ee gobolka mudug.
Xigasho Sbc Tv
Leave a Reply