Wasiirka Warfaafinta, Wasiir ku-xigeenka, Agaasimaha Guud, Agaasime waaxeedyada Wasaaradda iyo dhamaan Shaqaalaha Wasaaradda Warfaafinta ayaa ka tacsiyadeeyay geerida fanaanka Axmadeey Abuubakar A-Camaari oo ka tirsanaa Hobollada Qaranka ee Waaberi.
War qoraal ah oo ay soo saartay Wasaaradda Warfaafinta ayaa lagu sheegay in Wasaaradda ay Ummadda Soomaaliyeed, gaar ahaan bahda fanka Soomaaliyeed iyo qoyskii uu ka baxay uga tacsiyadeeyay marxuum Axmadeey Abuubakar A-Camaari.
Geerida fanaanka waxaa Warbaahinta u xaqiijiyey xubno ka tirsan qoyskiisa oo sheegay inuu ku geeriyooday hoygiisa oo ku yaalla degmada Shibis ee gobolka Banaadir, waxaana marxuumka uu u geeriyooday xanuuno uu mudooyinkan la tacaalayey oo ay wehliyeen duruufo kale oo dhanka nolosha ah, iyadoo fanaanku ahaa nin indho la’aa illaa xiligiisii dhallinyaranimada.
Leave a Reply