Suldaanka cusub ee Saldanada Cummaan Haytham Bin Daariq Ayaa aqalka loo arrimiyo dalka cummaan ku qaabilay Danjiraha Jamhuuriyada Federaalka Soomaaliya ee Saldanada Cummaan Mudane Cabdiwali Cali Axmed (Jeylaani)
Soo dhaweyn kadib Suldaanka Cusub ee Cummaan ayaa waraaqihiisa aqoonsiga Safiirnimo ka guddoomiyaye Danjiraha Soomaaliya ee dalka Cummaan.
Danjire Cabdiwali Jeylaani ayaa Suldaanka Cummaan ku wareejiyay dhambaal uu ka siday Madaxweynaha Jamhuuriyadd Soomaaliya Mudane Maxamed Cabdullaahi Farmaajo.
Danjire Jeylaani iyo Suldaanka cusub ee Cummaan ayaa soo dhawyen kadib ka wada hadlay xoojinta xiriirka iyo iskaashi labadaa waddan ee dhinaca Dhaqaalaha, Ganacsiga iyo Siyaasadda.
Suldaanka Cummaan iyo Danjiraha Soomaaliya ee dalkaasi ayaa isla qiray ahmiyada ay leedahay adkeynta xiriirka labada dowladood.
Cummaan waa dal ka mid ah dowladaha Khaliijka oo ku yaala goob istaraatiiji ah waxaana Soomaaliya kala dhaxeeyay xiriir walaalnimo iyo mid ganacsiga oo qota dheer gaar ahaan dhoofinta xoolaha, Beeraha iyo Kaluunkeena.
Leave a Reply