Wararka laga helayo Kismaayo ayaa sheegaya in xalay qarax loo adeegsaday bam-gacmeed uu ka dhacay bartamaha magaaladaasi.
Qaraxa ayaa waxaa lagu soo warramayaa inuu ka dhacay maqaayad ku taalla suuqa Golole oo ku dhow Aargada weyn ee Kismaayo, sida ay sheegeen dad goobjoogayaal ah.
Inta la xaqiijiyey 12 qofood ayey dhaawacyo kala duwan kasoo gaareen, hal qofna waa geeriyooday kadib markii Bam gacmeed lagu weeraray goob lagu caweeyo oo ku taalla bartamaha magaalada Kismaayo ee gobolka Jubbada Hoose.
Dadka ku dhaawacmay qaraxaas oo qaarkood laga soo deyrinayo xaaladooda caafimad ayaa haatan lagu dabiibayaa isbitaalka guud ee magaalda Kismaayo ee Jubbaland.
Illaa iyo hadda lama oga sababta loo bartilmaameedsaday halkaasi.
Leave a Reply