Mas’uuliyiin ka tirsan Maamulka Degmada Baardheere ee Gobalka Gedo ayaa maanta kormeer ay ugu kuur galayeen burburka ka muuqanayo Buundada Baardheere oo soo gaaray marki meesha ka baxday dowladdi dhexe ee dalka ee uu hogaaminayay rabi naxariisto jano haka waraabiyee Maxamed Siyaad Barre.
Mas’uuliyiintan ayaa mid mid u kormeeray dhamaan qaybaha ay ka kooban tahay buunada, iyagoo halkaasi warbaahinta kula hadlay sheegeyna inay dib u dhis ku sameynayaan Buundada oo muhiim u ah isu socodka gaadiidka iyo dadweynaha.
Guddoomiyaha Degmada Baardheere Mudane Maxamedwali Yuusuf Cabdullaahi Qorax iyo Guddoomiye Ku-xigeenka amniga iyo Siyaasad Degmada Baardheere ee Gobalka Gedo Mudane Ahmed Xiish Cartan ayaa Ummadda Soomaaliyeed ugu baaqay inay ka qayb qaataan dib u dhiska Buundada oo halbowla u ah isku socodka deegaannada Soomalida oo idil.
Leave a Reply