Gobolka Shabeellaha dhexe ayaa waxaa ku habsaday Ayax fara badan oo kasoo gudbay dhanka gobolka Hiiraan uu kusii fidayo deegaanno horleh oo ka tirsan Shabeellaha Dhexe.
Ayaxaan oo saddexdi maalmood ee lasoo dhaafay soo gaaray deegaanno hoostaga degmada Mahadaay ee gobolka Shabeellaha dhexe ayaa kusii fiday gobolka, wuxuuna soo gaaray illaa beeraha magaalada Jowhar.
Sida beeraleyda gobolka ay noo xaqiijiyeen Ayaxa ayaa xaalufiyay dalagyada beeraha Xayooley,Mugdow,Kiliga Shiinaha,Maguurto iyo kuwa kale oo dhammaantood hoostaga degmada Mahadaay.
Sidoo kale Ayaxa ayaa soo gaaray beeraha magaalada Jowhar sida Xaanshooley iyo kuwa kale oo lagu beero qeybaha kala duwan ee qudaarta iyo dalagyada.
Beeraleyda ayaa dowladda Soomaaliya iyo hay’adda Qaramada Midoobay u qaabilsan cunada iyo beeraha FAO ugu baaqay in laga soo gaaro inta wax laga qaba karo Ayaxa oo xaalufin ku haya dalagyada iyo daaqsinka.
Illahay Ha u sahalo Dadka dhiban