Xildhibaannada Golaha Shacbiga Soomaaliya ayaa Maanta oo Isniin ah kuna beegan 16ka November ku yeeshaan Kulankooda caadiga ahaa Xarunta Villa Hargeysa ee Magaalada muqdisho.
Guddoonka Golaha Shacabka ayaa Xildhibaannada u diray qoraal lagu ogeeysiinayo in uu jiro kulanka golaha, iyaga oo laga dalbaday inay soo xaadiraan,waqtigana ilaaliyaan.
Ajandayaasha Kulanka Golaha Shacabka ayaa waxaa ka mid ah u codaynta Xubnaha Guddiga Adeega garsoorka, u codaynta xubnaha Guddiga la Dagaalanka Musuqmaasuqa iyo Akhrinta 3aad oo la marsiin doono Hindise Sharciyeedka Nootaayooyinka Soomaaliya.
Xildhibaannada Golaha Shacabka ee Baarlamaanka Soomaaliya ayaa haatan waxaa ay ku guda jiraan kal-fadhigii ugu dambeeyay, waxaana horyaalla meel marinta iyo ka doodista ajandayaal dhowr ah.
Leave a Reply