Rooble oo Gaalkacyo Gaaray iyo Qarax qasaaro gaystay oo gaalkacyo ka dhacay

Magaalada Gaalkacyo ee xarruunta gobolka Mudug ayaa waxaa ka dhacay qarax ismiidaamin ah oo la la beegsaday illaalada Amniga Suagaysay iyo Bulsho Badan oo ka qayb qaadanayssay Soo dhaweynta Ra’iisul wasaaraha Soomaaliya Maxamed Xuseen Rooble.

Qaraxa oo sida la sheegay uu fuliyay ruux isku soo xiray waxyaabaha qarxa ayaa waxaa uu ka dhacay irida garoonka kubadda Cagta Cabdulaahi ciise ee magaalada Gaalkacyo, iyadoo halkaasi ay ka socotay soo dhawaynta Ra’iisul wasaare Rooble.

Warar horedhac oo ka soo baxaya khasaaraha ka dhashay qaraxan ayaa sheegaya in ay ku geeriyoodeen dad shacab ah iyo saraakiil ciidan oo uu kamid yahay taliye xigeenkii Danab ee Marsho, waxaa dhaawac culus soo gaarey taliyaha Qeybta 21-aad Generaal Qooje iyo saraakiil kale.

Dadka dhintay ayaa sidoo kale waxaa ku jira Guddoomiyihii hore ee degmada Gaalkacyo qaybta Puntland Maxamuud Yaasiin Tumey.