Guddoomiye ku xigeenka Amniga iyo Siyaasadda Gobolka Banaadir mudane Cali Cabdi Wardheere (Cali yare) ayaa shir guddoomiyay kulan looga hadlayay dardar-galinta amniga magaalada Muqdisho oo ka dhacay Aqalka Dowlada Hoose ee Xamar.
Kulanka ayaa waxaa diirada lagu saaray sidii la isugu xiri lahaa Hay’addaha Amniga iyo Maamulada Degmooyinka, waxaana lagu go’aamiyay in la soo celiyo kormeerkii joogtada ahaa ee ay wada sameyn jireen Hay’addaha Amniga iyo Maamulada Degmooyinka kaasoo lagu xaqiijinayo Amniga Caasimadda.
Waxaa kaloo kulanka looga hadlay u diyaar garoowga amniga Doorashooyinka fooda nagu soo haya.
Kulanka oo ku soo dhamaaday jawi wanaagsan, waxaa goobjoog ka ahaa Agaasimaha Guud ee Amniga Caasimadda oo ay wehliyaan Agaasimiyaasha Waaxyaha Amniga iyo Siyaasada Gobolka Banaadir, Lataliyaal iyo Saraakiil ka tirsan Laamaha Amniga.
Leave a Reply