Wasiirka Warfaafinta, Dhaqanka iyo Dalxiiska Xukuumadda Soomaaliya, mudane Cismaan Abokor Dubbe, ayaa maanta xafiiska ku qaabiley wefdi ka socda xafiiska hey’adda Qaxootiga Qaramada Midoobay UNHCR ee Soomaaliya oo uu hogaaminayay Magatte Guisse oo ah u qeybsanaha hey’addaas ee Soomaaliya.
Kulanka dhex maray labada dhinac ayaa ahaa is barasho iyo wada shaqeyn, gaar ahaan gargaarka iyo samatabixinta dadka tabaaleysan, iyadoo wasiirku ku booriyay hey’adda in ay sii labo laabto howlaha samafal ee ay u heyso dadka Soomaaliyeed.
Sidoo kale, kulanka waxaa qeyb ka ahaa agaasimaha guud ee wasaaradda mudane Cabdulaahi Xayir iyo Axmed Ceynte oo ka tirsan UNHCR.
Leave a Reply