Madaxweyne Ku-Xigeenka Hirshabeelle Mudane Yuusuf Axmed Hagar iyo Wafdi uu hoggaaminayo, ayaa maanta dib ugu soo laabtay Caasimadda Jowhar, ka dib safar shaqo oo uu ku joogay Magaalada Muqdisho.
Madaxweyne Ku-Xigeenka Dowladda iyo Wafdigiisa waxaa garoonka diyaaradaha ee Maxamed Dheere, kusoo dhoweeyay Kusimaha Guddoomiyaha Baarlamaanka Mudane Mahad Xasan Cusmaan xubnaha labada gole ee Dowladda, Maamulka Gobolka Shabeellaha Dhexe iyo qeybaha kala duwan ee Bulshada.
Madaxweyne Ku-Xigeenka ayaa warbixin ka siiyay Madaxweynaha Dowladda waxa uga qabsoomay socdaalkii shaqo ee uu ku tagay Magaalada Muqdisho.
Ugu dambeyn Madaxweyne Ku-Xigeenka ayaa kormeeray xafiisyada ay ku shaqeeyaan Agaasinka waaxyaha Madaxtooyada oo uu ku dhiiragaliyay inay dardargaliyaan shaqada adag oo ay u hayaan Dowladda.
Leave a Reply