Kusimaha Guddoomiyaha ahna Guddoomiye kuxigeenka 1aad ee Golaha Mudane, Maxamed Nur Maxamed Macallin oo ay wehliso Guddoomiye kuxigeenka 2aad ee Golaha Marwo, Shamso Maxamed Yaroow ayaa Shir Guddoomiyay Kalfadhiga 5aad Kulankiisa 2aad ee Golaha oo soo xaadirtay 63-Xildhibaan Ajandihiisuna ahaa Ansixinta Miisaaniyadda 2023-ka ee DGKGS.
Xildhibaanada Golaha Wakiilada ayaa ka dooday Miisaaniyadda 2023-ka iyagoo Suaalo ka weydiiyay Wasiirka Maaliyadda.
Wasiirka Wassaaradda Maaliyadda KGS Mudane, Ahmed Mohamed Hussein ayaa ka jawaabay dhamaan weydiimaha ay Xildhibaanada Weydiiyeen.
Kusimaha Guddoomiyaha ahna Guddoomiye kuxigeenka 1aad ee Golaha ayaa cod geliyey Miisaaniyadda, Waa oggol u codeeyay 63 xildhibaan wax diiday ama ka aamusay ma jirin.
Wasiirka Wassaaradda Maaliyadda ayaa ugu mahadceliyay Xildhibaanada Ansixinta Miisaaniyadda.
Ugu dambeyn kusimha Guddoomiyaha ayaa soo xiray Kalfadhiga 5aad Kulankiisa 2aad ee Golaha Wakiilada.
Leave a Reply