Booliska oo Ka Hadlay Qasaarihii Ka Dhashay Qarax ka dhacay magaalada Muqdisho

Booliska Soomaaliya ayaa faah-faahin ka bixiyey qarax ismiidaamin ah oo ka dhacay barxadda dugsiga tababarka Booliska ee Iskuul Boolisiya.

Qoraal kasoo baxay booliska ayaa lagu sheegay in 7 ruux oo isugu jira ciidan iyo Shacab ay ku geeriyoodeen qaraxa islamarkaana ay ku dhaawacmeen 6 ruux.

Boolisku wuxuu ku sheegay qoraalka in qaraxu uu ka dhacay guryo isku raran ah oo ku yaalla kasoo horjeedka barxadda halkaas oo ay ku yaallaan geedo waaweyn oo la harsado.