Maqal iyo Muuqaal:Banaanbax loogaga soo hor jeedo Qaraxii qasaaraha Badan dhaliyay ee shalay ka dhacay magaalada Muqdisho oo maanta lagu qabtay Caabudwaaq.

Banaanbaxan looga soo horjeedo isla markaana loogaga tacsiyaynayayDadkii Soomaaliyeed ee wax ku noqday Xasuuqii shalay ay ugu gaysteen Magaalada Muqdisho Shacabka Soomaaliyeed Kooxaha naxariista daran ee AlShabaab oo ay soo abaabuleen ururka haween degmada Caabudwaaq ayaa waxaa kala qayb galay maamulka degmada oo ay wehliyaan qaybaha kala Duwan ee Bulshada.

Qaar kamid ah bulshadii ka hadashay Dibadbaxa maanta ayaa si isku mid ah usheegay inuu ahaaa falkan lagu xasuuqay shacabka Soomaaliyeeed mid muujinaya heerka naxariis darada Kooxaha Nabad iyo Nolol diidka AlShabaab kuwaasi oo ay ku sheegeen inay hada u soo jeesteen Beegsiga Shacabka soomaaliyeed.

Ugu Dambayn Gudoomiyaha Ururka Haweenka degmada caabudwaaq Deeqo cabdi Cilmi iyo Gudomiyaha Dagmada Caabudwaaq Mudane Mahad Cumar Cilmi oo ka hadlay gaba gabadii Banaanbaxan waxaana ay ugu baaqeen umada Soomaaliyeed in meel looga soo wada jeesdo Kooxaha banaysiga Daadinta Dhiiga Soomaaliyeed.

Ckariin Axmed Bulxan
Caabudwaaq

Naftaada Nabadda Bar