Xoogaga Shabaab ayaa weeraray deganada Goofgaduud Buurey iyo Daynuunay oo qiyaastii Magaalada Baydhabo u jira 25-illaa 30-KM, waxaana halkaasi ka dhacay dagaal culus.
Shabaab ayaa weerarka soo qaaday markii Salaadii Subax ee saaka, iyadoo dagaal la isku adeegsaday hub kala duwan uu ka dhacay deganada Daynuunay iyo Goof-gaduud Buurey.
Ciidamadii Koonfur Galbeed iyo kuwa Xoogga dalka ee ku sugnaa deeganadaasi ayaa isaga baxay, kadib markii ay u babac dhigi waayeen Shabaabka dagaalka soo qaaday awoodooda.
Saraakiisha ciidamada Xoogga dalka Soomaaliya ayaa sheegay inay ku sugan yihiin meel aanan sidaasi uga fogeyn Daynuunay oo Baydhabo u jirta 25-KM ayna wadaan abaabul ku aadan sidii ay dib ugu noqon lahaayeen deegaankaasi.
Al-Shabaab ayaa Baraha wararka ay ku faafiyaan waxa ay ku soo qoreen inay si buuxda u qabsadeen deganada Daynuunay iyo Goofgaduud Buurey, kadib dagaal saacado badan qaatay oo ay kula wareegeen gacan ku haynta deganadaasi
Leave a Reply