Ciidanka Xoogga Dalka, Amisom iyo Jubbaland ayaa maanta hawlgal qorshaysan ka fulinaya deegaanno hoos taga dagmada Jamaame ee gobolka Jubbada Hoose.
Ciidanka ayaa hawl galkan ku sifaynata hadhaadiga kooxda argagixisada Al Shabaab ee ku dhuumaalaysanaya kaymaha iyo dhulalka hawdka ah iyaga oo bar tilmaameedsanaya dagmada Jamaame.
Taliyaha Ciidamada Danab qaybta Jubaland Gaashaanle Xasan Aadan Maxamed Ciraaqi ayaa warbaahinta u xaqiijiyay in ciidammada hawlgalkan fulinaya ay 3dii aroornimo ee saaka hawlgalkoodan ka qaadeen xerada taliska ciidanka ee Baar Sanguuni.
Gaashaanle Xasan Ciraaqi ayaa sidoo kale xaqiijiyay in argagixisada Al Shabaab ay dib uga sii guranayaan oo ay isaga cararayaan kooxaha ay ciidamadu ku sii siqayaan.
Leave a Reply