Gudoomiye Cumar Filish oo dhagax Dhigay wado mahiim ah

Guddoomiyaha Gobolka Banaadir ahna Duqa magalada Muqdisho Mdane Cumar Maxamuud Maxamed (Cumar Filish) ayaa shacabka Degmooyinka Shibis iyo Boondheere kula dardaarmay in ay ka qeyb qaataan nadiifinta waddooyinka mara Degmooyinkooda kadib markii uu maanta dhagax dhigay Waddada Jubada sare oo xiriirisa inta u dhexeysa Ex Hotel Jubba iyo 4-ta Jardiino.

Guddoomiyeyaasha Degmooyinka Boondheere iyo Shibis ayaa sheegay inay ilaalin doonaan badqabka waddada marka uu dhamaado dib u dhiska lagu sameynayo

Gudoomiye ku-xigeenka howlaha guud ee Gobolka Banaadir mudane Cumar Cali Cadi ayaa mas’uuliyiinta labada degmo iyo shirkadda dhismaha qaadaneyso lagula xisaabtami doono marka uu dhamaado dhismaha Wadada Jubada sare oo xiriirisa inta u dhexeysa Ex Hotel Jubba iyo 4-ta Jardiino.

Guddoomiyaha Gobolka Banaadir ahna Duqa magalada Muqdisho Mdane Cumar Maxamuud Maxamed (Cumar Filish) ayaa sheegay in maamulka gobolka ay mas’uuliyad ka saarantahay dhameystirka dhismaha waddooyinka caasimadda, waxaana uu shacabka ka codsaday in ka shaqeeyaan bilicda oo aysan qashinka ku soo shubin waddooyinka dib u dhiska lagu sameeyay.