Shir looga hadlayay xoojinta Amniga caasimadda gaar ahaan degmooyinka ku xeeran garoonka diyaaradaha caalamiga ah ee Aadan cadde oo muhiimad gaar ah u leh dowladda iyo shacabka Soomaliyeed ayaa maanta lagu qabtay magaalada Muqdisho.
Shirka oo ay soo qaban qaabisay Wasaaradda amniga Xukuumadda Federaalka Soomaaliya waxaa ka qayb galay Xafiiska Qaramada Midoobay ee Soomaaliya (UNSOM), AMISOM iyo hay’ado kale, iyadoo dhanka Wasaaradda amniga uu shirka hogaaminayay Wasiiru dowlaha Wasaaradda Farxaan Cali Axmed.
Wakiilka xoghayaha guud ee Qaramada Midoobay u qaabilsan Soomaaliya James Swan oo kulanka ka qeyb galay ayaa wasaaradda amniga dalka ku bogaadiyey dadaalka ay ugu jirto xaqiijinta amniga dalka guud ahaan iyo gaar ahaan ilaha muhiim ka ah sida garoomada.
Wasiiru dowlaha Amniga Xukuumadda Federaalka Soomaaliya mudane Farxaan Cali Axmed ayaa sheegay in ujeedka loo qabtay kulankan muhiim ka ah ay tahay xaqiijinta amniga garoonka iyo degmooyinka ka agdhaw.
Leave a Reply