Masar oo Soomaaliya ka Codsatay inay Cabaarayso Itoobiya biyo xireenka ka wado wabiga Nil

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble iyo wafdiga ku wehelinaya booqashada uu ku joogo dalka Masar ayaa kulan laba geesood ah la qaatay Ra’iisul Wasaaraha dalkaas iyo xubno ka tirsan Golahiisa Wasiirrada.

Kulanka labada dhinac ayaa diiradda lagu saaray Biyo xireenka Itoobiya ka wado wabiga Nil, xoojinta xiriirka soo jireenka ah iyo iskaashiga faca weyn ee ka dhexeeya labada dal iyo sidii loo kordhin lahaa deeqaha Waxbarashada ay siiyaan ardayda Soomaaliyeed, fududeynta socdaalka, ganacsiga iyo maalgashiga.