Wasiirka Warfaafinta Soomaaliya oo hambalyo ah u diray Xulka Kubadda Cagta ee Qaranka

Wasiirka Wasaaradda warfaafinta dhaqanka iyo dalxiiska ee XFS Soomaaliya, Daa’uud Aweys Jaamac, ayaa hambalyo u diray Xulka Qaranka ee ka yar 17 jirada.

“Waxan hambalyo u dirayaa Xulka Qaranka Kubadda Cagta ee Somalia oo maanta ku guuleystay Koobka Bariga iyo Bartamaha Afrika. Waa guul taariikhi ah oo Somalia u soo hoyatey markii 1aad. Waxan sidoo kale hambalyo u dirayaa Xiriirka Kubadda Cagta ee Somalia, tababareyaasha iyo dhammaan hawlwadeennada kooxda oo kaalin muuqata ku lahaa guushan weyn ee maanta ay Somalia gaartey. Hambalyo Hambalyo” ayuu yiri Wasiir Daa’uud Aways.