Wasiir Cabdi wayeel iyo Maamulka Cusub ee caabudwaaq ayaa Ugaas Maxamed kusoo dhaweeyey Caabudwaaq

Ugaas Maxamed Ugaas Axmed Ugaas Faarax ayaa maantay lagu soodhaweeyay Garoonka Diyaraadaha magaalada Caabudwaaq ee Gobolka Galgaduud

Waxaa garoonka ku soodhaweeyay Wasiirka arrimaha gudaha Galmudug Cabdi Waayeel, Guddoomiyaha degmadda Caabudwaaq Muxiyadiin Aadan Wali, Guddoomiye kuxigeenka degmadda Axmed Diiriye,Wasiiro iyo Xildhibaano katirsan Galmudug, Xubno katirsan maamulkii hore, Odoyaasha Dhaqanka, Xildhibaannada Gollaha deegaanka, Taliyaha Booliiska degmadda Caabudwaaq Liibaan Cabdi Cali, Taliyaha Qeybta Booliiska gobalka Galgaduud Qalbi Axmed, Haween iyo dhallinyar.

Ugaaska ayaa salaan ladhex qaaday dhammaan masuuliyiintii soodhaweysay, waxaana Ugaas Maxamed kulan kula qaatay hoyga uu ka dagan yahay Caabudwaaq qaybaha kala duwan ee Bulshada.