Argagixisada Al-Shabaab ayaa arroornimadii hore ee saaka weerar ku bilowday qaraxyo ku qaaday Xero Ciidan oo ku taala degaanka Xawaadley oo u dhow degmada Balcad ee Gobolka Shabeellaha Dhexe..
Dagaalka oi ka deegaanka Xawaadley oo 20Km u jirta Balacad ayaa saacado socday waxaana ka dhashay khasaaro isugu jira dhimasho, dhaawac & mid maaliyadeed inkasta oo aan lagu sameyn tira-koob rasmi ah oo lagu shaacin karo inta uu gaarsiisan yahay.
Dagaalka oo ahaa mid xooggan ayaa waxaa ka dhashay Khasaaro isugu jira dhimasho iyo dhaawac oo soo kala gaaray labada dhinac, Saraakiisha ciidanka dowladda uga dhimatay waxaa kamid ah Taliyahii Guutada 3-aad Qaybta 27-aad ee Milatariga Soomaaliya Kornayl Abshir Maxmuud Maxamed (Shataqeey).
Wararka ayaa intaa ku daraya inuu jiro khasaaro kale oo gaaray Askar ka tirsan ciidamada dowladda, illaa iyo hadda ma jiro wax war ah oo kasoo baxay Taliska ciidamada xoogga iyo Maamulka Hirshabeelle.
Leave a Reply