Dowlada Jabuuti oo Si Diblomaasiyadeed uga hadashay Damaca Dowlada Itoobiya

Dowlada jabuuti ayaa war kasoo saartay heshiiskii addiss Ababa ku dhexmary Dowlada Itoobiya iyo Maamul goboleedka Somaliland iyadoo uga hadashay Si Diblomaasiyadeed.

War Qoraala oo Jabuuti kasoo baxay ayaa sidaan u qornaa.

Wasaaradda Arrimaha Dibadda dowladda Jabuuti oo war ka soo saartay damaca gurracan ee dowladda Itoobiya ee dhulka Soomaaliyeed ayaa sheegtay inay muhiim tahay ilaalinta Madaxbanaanida iyo wadajirka dhuleed ee dowladaha xubnaha ka ah Urur Gobolleedka IGAD.

“Jamhuuriyadda Jabuuti oo hadda ah hoggaanka urur gobolleedka IGAD waxay xaqiijinaysaa inay si qoto dheer u ilaalinayso, madaxbannaanida, midnimada iyo wadajirka dhuleed ee dhammaan dawladaha xubnaha ka ah ururka IGAD, sida ku cad heshiiska IGAD iyo xeerka dastuuriga ah ee Midowga Afrika” ayaa lagu yidhi qoraal kasoo baxay Wasaaradda Arrimaha Dibedda Jabuuti.