Sawiro:Madaxwayne Xasan oo Gaaray Jermalka iyo Ujeedka Safarkiisa Jermalka

Wafdi uu hogaaminaayo Madaxweynaha Soomaaliya Xasan Sheekh Maxamuud ayaa maanta si diiran loogu soo dhaweeyey magaalada Berlin ee caasimadda dalka Jarmalka ka dib markii uu martiqaad ka helay Ra’iisul-Wasaaraha Jarmalka Olaf Scholz.

Madaxweynaha ayaa kulamo muhiim ah la qaadan doono Ra’iisul-wasaaraha dalka Jarmalka Olaf Scholz iyaga oo ka wada hadli doono xiriirka soo jireenka ah ee Soomaaliya iyo Jarmalka sida dib u soo nooleynta mashaariicdii farsamada gacanta, isbedelka cimilada, horumarnita booliska Soomaaliyeed, iyo howlgalka cusub ee Midowga Afrika iyo arimo kale.

Sidoo kale Madaxweynaha Soomaaliya ayaa ka qeybgalayo Shirweynaha maalgashiga Afrika iyo Jarmalka, oo muhiimad gaar ah u leh maalgashiga Soomaaliya, maadaama Soomaaliya labadii sano ee la soo dhaafay ku guuleysatay arimaha deyn cafinta, la dagaalanka AS, ku biirista ururka iskaashiga Bariga Afrika.