Dowlada Soomaaliya oo dalka dib ugu soo celineyso muwaadiniin lasoo badbaadiya

Dowladda Federaalka Soomaaliya ayaa sheegtay inay socdaan dadaalo dalka dib loogu soo celinayo muwaadiniin Soomaaliyeed oo laga soo badbaadiyay biyaha dalka Jasiiradda Madagascar.

Wasiirka Warfaafinta, Dhaqanka iyo Dalxiiska ee Xukuumadda Federaalka Soomaaliya Mudane Daud Aweis ayaa tacsi u diray qoysaska ay ka geeriyoodeen 22-ka ruux ee masiibadan ku dhintey, isagoo dhanka kalena xusay in 48-ka qof ee la soo badbaadiyay ay gacanta ku hayso Dowladda Madagascar.

Wasiirka ayaa shir jaraa’iid oo uu ku qabtey Muqdisho ku sheegay in dowaldda ay halkaa u direeyso mas’uuliyiin si loo ogaado xaladda muwaadiniitaa soomaaliyeed iyo halka ay kasoo baxeen, lana hubin doono in dhammaan dadka ay waxyeelada gaartay ay yihiin Soomaali kali ah.