Wasiirka Wasaaradda Caafimaadka iyo Daryeelka Bulshada Galmudug, Mudane Dr. Cabdiweli Cabdullaahi Jaamac, ayaa si rasmi ah uga dhagax-dhigay magaalada Caabudwaaq mashruuc balaaran oo lagu dhisayo isbitaal weyn ee Degmada Caabudwaaq.
Wasaaradda Caafimaadka Galmudug waxay si adag u wadaa dadaalo lagu horumarinayo adeegyada caafimaadka, iyadoo diiradda saaraysa Dhismayaasha isbitaalo cusub oo ku yaalla magaalooyinka Caabudwaaq, Guriceel, Gaalkacyo, iyo Qansaxdheer.
Mashaariicdaan wax ay qeyb ka yihiin qorshayaasha Wasaaradda Caafimaadka Galmudug ee horumarinta iyo dhisidda kaabayaasha caafimaadka ee deegaanada iyo degmooyinka dowladda Galmudug.
Ujeedada ugu weyn ee mashaariicdan waa in la daboolo baahiyaha caafimaad ee ka jira degmooyinka iyo degaannada dowladda Galmudug, iyadoo la xaqiijinayo helitaanka adeegyo caafimaad oo tayo leh, lana xoojinayo awoodda adeegyada caafimaadka ee bulshada.
Leave a Reply